AZ

Türkiyə NATO-nun baş katibi vəzifəsinə görə tələblər irəli sürür

Türkiyə Hollandiyanın baş naziri Mark Ruttenin NATO baş katibi vəzifəsinə namizədliyinin təsdiqi üçün bir sıra tələblər irəli sürür.

"Unikal" xəbər verir ki, bu barədə “Bloomberg” diplomatik mənbələrə istinadən yazıb.

Ankara Ruttedən Türkiyənin NATO-Aİ tərəfdaşlığında iştirakına icazə verməsini və NATO müttəfiqləri arasında müdafiə ixracına heç bir məhdudiyyət qoyulmamasını istəyir.
Daha əvvəl “Politico” qəzeti adı çəkilməyən yüksək səviyyəli Avropa rəsmilərinə istinadən yazıb ki, əvvəllər istefa vermiş Rutte NATO baş katibi postunun favoritlərindən biridir və alyansa üzv ölkələrdən geniş dəstək alacağı gözlənilir.
"Türkiyə əmin olmaq istəyir ki, Rutte və ya hər hansı digər namizəd, xüsusən də Aİ üzvləri Yunanıstan və Kiprin təzyiqlərinə boyun əyməsin. Türkiyə həmçinin Ruttenin Ankaranın NATO-Aİ tərəfdaşlığında və müttəfiqlər arasında iştirakına icazə verməsini istəyir"- həmsöhbətlər bildiriblər.

NATO çərçivəsində müdafiə ixracına heç bir məhdudiyyət qoyulmayıb.Ölkə rəhbərliyi Rutte-nin istefa verən baş katib Yens Stoltenberqdən vəzifəyə keçməsinə prinsipial olaraq əlverişlidir. 
Həmsöhbətlərin sözlərinə görə, Türkiyə hələ də Rutteyə tələblər siyahısını təqdim etməyib.

Seçilən
125
38
Mənbələr
Şərh ()
Bağla