TƏBİB-in tabeliyində fəaliyyət göstərən Goranboy Rayon Mərkəzi Xəstəxanasının Akt zalında Novruz bayramı ilə əlaqədar tədbir keçirilib.
Xəstəxanadan Aztibb.az-a bildirilib ki, tədbirdə Goranboy RMX-nın direktoru Rauf Yahyayev bütün kollektivi qarşıdan gələn Novruz bayramı münasibətilə təbrik edib, hər kəsə cansağlığı, səadət və bahar əhval-ruhiyyəsi arzu edib.
O, Vətənimizin ərazi bütövlüyü naminə canlarından keçmiş igid övladlarımızın xatirəsini bu bayram günlərində minnətdarlıqla yad edərək, ölkənin müdafiəsində mətinliklə dayanan Azərbaycan əsgərinə təbriklərini bildirib.