“Ukraynada keçirilən xüsusi hərbi əməliyyat Qərbin müdaxiləsi nəticəsində artıq müharibəyə çevrilib”.
Yeniavaz.com xəbər verir ki, bunu Rusiya Prezidentinin mətbuat katibi Dmitri Peskov “aif.ru” saytına müsahibəsində bildirib.
“Biz müharibə vəziyyətindəyik. Bəli, bu, xüsusi hərbi əməliyyat kimi başladı, lakin orada bu qruplaşma yaranan kimi, kollektiv Qərb Ukrayna tərəfində bunun iştirakçısına çevrildikdə, bizim üçün bu, artıq müharibəyə çevrildi. Mən buna əminəm. Bunu hər kəs öz daxili səfərbərliyi üçün başa düşməlidir”, - Kreml nümayəndəsi bildirib.
Prezidentin mətbuat katibi həmçinin bildirib ki, Moskva elə hərəkət etməyə davam edəcək ki, Ukraynanın hərbi potensialı Rusiya vətəndaşlarının və ərazilərinin təhlükəsizliyini təhdid etməsin.