Ötən gün Moskvada azərbaycanlı iş adamı Araz Ağalarova məxsus “Crocus City Hall” ticarət mərkəzində terror aktı törədilib. Hadisə nəticəsində azı 60 nəfər ölüb, 100-dən çox insan yaralanıb.
Modern.az terror aktının qurbanları arasında soydaşlarımızın olub-olmadığını dəqiqləşdirmək üçün Moskva Azərbaycanlıları İcmasının sədri Şamil Tağıyevlə əlaqə saxlayıb.
O saytımıza açıqlamasında deyib: "Moskvada Azərbaycanın Xalq artisti Röya Ayxanın da konserti olacaqdı. Konsertə görə toplanan 1000-ə yaxın azərbaycanlı uğurla evakuasiya olunub. İlkin məlumata əsasən, zərərçəkənlər arasında azərbaycanlılar yoxdur."
Könül Fətullayeva
