Mbappe: "İnsanlar mənim gələcəyimlə bağlı Avro-2024 başlamazdan əvvəl biləcəklər"

PSJ-nin "Real"a keçəcəyi iddia olunan futbolçusu Kilian Mbappe gələcəyi haqqında danışıb.

QOL.az xəbər verir ki, 25 yaşlı hücumçu qərarını Avro-2024 başlamazdan əvvəl açıqlayacağını deyib:

“İnsanlar mənim gələcəyim barədə Avro-2024 başlamazdan əvvəl biləcəklər. Mən bu barədə çox sakitəm. Mənim gələcəyim artıq klub üçün vacib mövzu deyil. Artıq heç kim mənimlə bu barədə danışmır. Avro-2024-də böyük nailiyyətlərə hazır olacağam".

Xatırladaq ki, daha əvvəl mətbuatda 25 yaşlı futbolçunun artıq “Real” ilə 2029-cu ilə qədər müqavilə üçün razılaşdığı haqda məlumat yayılmışdı. Bildirilib ki, Mbappe klubu tərk etmək qərarı ilə bağlı artıq komanda yoldaşlarına və məşqçilər heyətinə məlumat verib.