phrase_var_article.topics
İstanbul, 27 mart, Günel Karatepe, AZƏRTAC
Son vaxtlar Pakistanda baş verən terror aktlarını şiddətlə qınayırıq. Həyatını itirənlərin ailələrinə başsağlığı, yaralananlara şəfa diləyirik.
AZƏRTAC xəbər verir ki, bu fikirlər Türkiyə Xarici İşlər Nazirliyinin Pakistanda törədilən terror aktları ilə bağlı bəyanatında yer alıb.
Bəyanatda, həmçinin bildirilir ki, Türkiyə qardaş Pakistanın təhlükəsizliyini və sabitliyini dəstəkləməyə davam edəcək, terrorla mübarizədə daim Pakistan xalqının yanında olacaq.