Şolts Ukraynada sülh danışıqlarının mümkünlüyünü dəyərləndirib

Bir çox ölkələr təhlükəsizlik müşavirləri səviyyəsində Ukraynada sülhü müzakirə edirlər.

Editor.az xəbər verir ki, bu barədə Almaniya kansleri Olaf Şolts “Märkische Allgemeine Zeitung” qəzetinə müsahibəsində bildirib. “Hazırda bir çox ölkələr, o cümlədən Ukrayna təhlükəsizlik müşavirləri səviyyəsində sülh prosesinə gətirib çıxaracaq nəyinsə necə baş verə biləcəyini müzakirə edir”,- deyə o bildirib.

Bundan əvvəl BMT Təhlükəsizlik Şurasının iclasında Rusiya Federasiyasının təşkilatdakı daimi nümayəndəsi Vasili Nebenzya Rusiyanın sülh danışıqlarını kiminlə aparmalı olduğu sualını vermişdi. O qeyd edib ki, Ukrayna prezidenti Vladimir Zelenski mayın 21-dən qeyri-legitim olub. Diplomatın sözlərinə görə, Moskva xarici tərəfdaşlardan Rusiya Federasiyasına hərbi əməliyyatlara son qoymaq üçün danışıqlara çağırışların artdığını qeyd edib.

//Gülnarə Abasova, Editor.az