32 dəqiqə üçün xərclənən 62 milyon avro

“Çelsi”nin 62 milyon avroya transfer etdiyi Romeo Laviya zədə səbəbindən mövsümü başa vurub.

Futbolinfo.az xəbər verir ki, 20 yaşlı yarımmüdafiəçi İngiltərə Premyer Liqasında “Kristal Pelas”a qarşı keçirilən matçda omba nahiyəsindən zədə almişdı.

Belçikalı oyunçu bu mövsüm “Çelsi”nin heyətində cəmi 32 dəqiqə meydanda olub.

Laviya yayda “Sauthempton”dan transfer edilib. Onun müqavilə müddəti 2030-cu ilə qədərdir.