“Rosatom”un kapital qoyuluşları üzrə direktoru həbs edildi -KÜLLİ MİQDARDA RÜŞVƏT ALMAQDA ŞÜBHƏLİ BİLİNİR

Rusiyanın hüquq-mühafizə orqanları vəzifəli şəxs tərəfindən xüsusilə külli miqdarda rüşvət alması ilə bağlı cinayət işinin istintaqı çərçivəsində Moskvada “Rosatom” dövlət korporasiyasının əsaslı investisiyalar, dövlət tikinti nəzarəti və dövlət ekspertizası üzrə direktoru Gennadi Saxarovu saxlayıb.

Senzor.az yerli KİV-ə istinadən bildirir ki, o, Rusiya Federasiyası Cinayət Məcəlləsinin 290-cı maddəsinin 6-cı (vəzifəli şəxs tərəfindən xüsusilə külli miqdarda rüşvətalma), eləcə də 291-ci maddəsinin 5-ci bəndində (vəzifəli şəxsə rüşvətvermə) nəzərdə tutulmuş hallar üzrə ittiham edilib.

Saxarova qarşı artıq cinayət işi açılıb və onun barəsində məhkəmə tərəfindən həbs qətimkan tədbiri seçilib.