Özünü "Qarabağ"da tapan ulduz dünyanın gündəmində: "Ona baş əyin" - VİDEO

"Qarabağ"ın legioneri Yassin Benzia Əlcəzair millisində növbəti qollarını vurub.

Sportinfo.az xəbər verir ki, yığma "FIFA series - Edition 2024" layihəsində Cənubi Afrika Respublikası (CAR) ilə üz-üzə gəlib.

Qarşılaşma 3:3 hesabı ilə yekunlaşıb. Matça start heyətində başlayan yarımmüdafiəçi 2 qol və 1 məhsuldar ötürmə ilə yadda qalıb. 22 və 70-ci dəqiqələrdə fərqlənən oyunçu 53-cü dəqiqədə assist edib.

O, martın 22-də Boliviyaya 3:2 hesabı ilə qalib gəldikləri qarşılaşmada da rəqib qapısına yol tapmışdı.

Benzia hazırda performansı ilə dünya mətbuatının gündəmindədir:

"Lequipe": Benzia!!! "Qarabağ"ın futbolçusu qayçı zərbə ilə Cənubi Afrikaya qol vurdu. Gecənin ən gözəl qoludur, sözsüz ki.

"Foot Mercato": Yassin Benzia Cənubi Afrikaya qarşı xariqüladə qol vurdu.

FIFA Dünya Kuboku: Yassin Benziadan velosiped zərbəsi.

Afrika Futbol Federasiyası: Yassin Benziaya baş əyin. Milli komandaya dönüşü belə elan edərlər...

"Men in Blazers": İlin qolu Yassin Benziadan. Həm ağlasığmaz, həm də möhtəşəm.

"İnstant Foot": Zlatan İbrahimoviç deyil, Yassin Benziadır.