Tibbdə süni intellekt: Bu dəfə hansı yenilik var?

Lester Universitetinin (Böyük Britaniya) alimləri mədəcik aritmiyasını - orqanın aşağı hissələrində anormal elektrik siqnalları nəticəsində yaranan təhlükəli ürək ritm pozğunluğunu aşkar etmək üçün süni intellekt alqoritmlərini öyrədiblər.

BAKU.WS-in xəbərinə görə, tədqiqatın nəticələri "European Heart Journal-Digital Health" jurnalında dərc olunub.

Aritmiya, ürəyin aşağı hissələrində meydana gələn ürək ritminin pozulmasıdır. Bu sürətli ürək döyüntüsü ilə xarakterizə olunur ki, bu da qan təzyiqinin kəskin azalmasına və sonradan şüurun itirilməsinə səbəb ola bilər.

Təlim və süni intellektin sınaqdan keçirilməsi zamanı alimlər 270 yetişkindən elektrokardioqram (EKQ) məlumatlarını toplayıb modelə təqdim ediblər.

Nəticələr göstərib ki, süni intellekt təhlükəli aritmiya meylini təxminən 80% dəqiqliklə müəyyən edə bilir.

Alimlər bildirib ki, bu diaqnostik üsul riski müəyyən etmək və çoxlu qəfil ölümlərin qarşısını almaq üçün daha effektiv metodların işlənib hazırlanmasına kömək edə bilər.