Əməkdar artist Yusif Mustafayev efirdə aparıcı Anar Vaqifoğluna əsəbiləşib.
Axşam.az xəbər verir ki, buna səbəb aparıcının sualı olub. Belə ki, A.Vaqifoğlu öz proqramında Y.Mustafayevə "Sənə Niyaməddin Musayev qədər ömür arzulayıram" sözlərini deyib.
İfaçı "Atam dünyasını 88 yaşında dəyişib. Onun rəhmətə getməsinin səbəbi anamın dünyasını dəyişməsi oldu. Bizim nəslimiz uzunömürlülər nəslidir. Hazırda 68 yaşım var. Bundan sonra isə Allahdan hələ 20 il də möhlət istəmişəm. Hələ iş bundan sonra başlayır" reaksiyasını verib.
Aparıcının "Sizin indi 68 yaşınız var. Biz sizə 88 yaşına kimi səbr etməliyik ifadəsi sənətçini özündən çıxarıb.
"Kimin başına daş salmışam? Kimin çörəyini yeyirəm? Qalmağımla insanlara xeyrim dəyir. Bunun danışığına bax... Həssas insanam. Sənin o "səbr etməliyik" sözün xoşuma gəlmədi. Niyyətin öz və əzizlərinin başına düşsün. Xahiş edirəm, mənimlə belə zarafatlar etməyəsən. Boz adamam. Deyirsən ki, sənə hələ 88 yaşına qədər dözməliyik. Bir az az danış, imkan ver oxuyaq" deyə, Y.Mustafayev cavab verib.
Telegram kanalımız
