İsrail hökuməti ölkədəki “Əl-Cəzirə” telekanalını bağlamaq qərarına gəlib.
Yeniavaz.com xəbər verir ki, bu barədə İsrailin Baş naziri Benyamin Netanyahunun rəsmi “X” (keçmiş Twitter) səhifəsində yerləşdirilmiş bəyanatda deyilir.
“Başçılıq etdiyim hökumət yekdilliklə qərar verdi: İsraildə təxribat xarakterli “Əl-Cəzirə” kanalı bağlanacaq”, - məlumatda deyilir.
Qeyd edək ki, yayım keyfiyyəti ilə dünyanın ən mühüm televiziya kanallarından hesab olunan Əl-Cəzirənin (Al Jazeera) mərkəzi Qətərdə yerləşir.