İsrailinin "Haaretz" qəzetində bu ölkənin ordusunun mayın 13-də Rəfahda BMT-nin avtomobilinə atəş açması, bir BMT əməkdaşının ölümü, digərinin isə yaralanması ilə bağlı araşdırmanın nəticələri yer alıb.
Azerforum bildirir ki, təhqiqatlar İsrail qüvvələrinin qaydaları pozduğunu və təsadüfən Rəfahda BMT-nin işçisini öldürdüyünü müəyyən edib.
İstintaq iddia edib ki, BMT rəsmisinin avtomobili İsrail ordusu ilə əvvəlcədən razılaşdırılmadan səyahətin qadağan olunduğu yolda tapılıb.
Üzərində BMT loqosu olmasına baxmayaraq, avtomobilə yaxın məsafədən əvvəlcə tank gülləsi, sonra isə qumbaraatanla hücum edilib. Bunun humanitar yardım işçiləri ilə bağlı qaydalara zidd olduğu bildirilib.
Deyilir ki, bölgədəki İsrail qüvvələri avtomobilin gəlməsi ilə bağlı heç bir xəbərdarlıq almayıb. Avtomobilin Rəfah Yoxlama Məntəqəsinə səfərinin İsrail ordusu ilə koordinasiya olunmadığı iddia edilib.
Murad
Azerforum.com
