“Ötən il Avropa çempionu oldum. Bu il isə dünya çempionluğunu əldə etdim”.
İdman.biz xəbər verir ki, bunu Azərbaycan millisinin cüdoçusu Zelim Kotsoyev (100 kq) deyib.
O, BƏƏ-nin paytaxtı Abu-Dabidə dünya çempionatında qızıl medal qazanmasının təəssüratlarını bölüşüb. Kotsoyevin sözlərinə görə, Dövlət Himnimizi səsləndirdiyi üçün çox xoşbəxtdir: “Hər zaman çalışıram ki, yarışlarda bayrağımızı yüksəklərə qaldırım. Hər zaman dünya çempionu olmaq arzusunda olmuşam. İndiyə mundiallarda kimi iki dəfə bürünc medal qazanmışam.
İdman.biz
