![Psixoloji-tibbi-pedaqoji](https://azertag.az/files/2024/2/1200x630/1718203150137401956_1200x630.jpg)
Bakı, 12 iyun, AZƏRTAC
Bakı Şəhəri üzrə Təhsil İdarəsi tərəfindən psixoloji-tibbi-pedaqoji komissiyaların yeni tərkibinin formalaşdırılması ilə bağlı elan edilən müsabiqənin test imtahanı mərhələsinin nəticələri açıqlanıb.
İdarədən AZƏRTAC-a bildirilib ki, nəticələrə əsasən, test imtahanında iştirak edən 94 namizəddən 22-si 30 sualdan 18 və daha çoxunu doğru cavablandıraraq müsabiqənin müsahibə mərhələsinə vəsiqə qazanıb. Test imtahanının nəticələri namizədlərin elektron poçt ünvanlarına göndərilib.
Müsabiqənin müsahibə mərhələsinə iyunun 13-dən start veriləcək.
Müsahibənin vaxtı haqqında məlumat öncədən namizədlərin qeydiyyatdan keçdikləri elektron poçt ünvanlarına göndərilib.
Qeyd edək ki, müsahibə zamanı namizədlərin vəzifə üzrə nəzəri bilikləri və fərdi səriştələri nəzərə alınacaq.