Pakistan Ukrayna ilə bağlı İsveçrədə keçiriləcək konfransda iştirak etməmək qərarına gəlib.
Vətəninfo.az xəbər verir ki , bu barədə RİA Novosti Pakistan Xarici İşlər Nazirliyinin sözçüsü Mümtaz Zəhra Bəluçun sözlərinə istinadən xəbər verir.
“İsveçrə Pakistanı iyunun 15 və 16-da keçiriləcək sammitdə iştiraka dəvət edib. Lakin digər öhdəliklərə görə Pakistan iştirak etməyəcək”, – deyə o, brifinq zamanı bildirib.
O, Pakistanın qlobal sülhü təmin etmək üçün səylərin önündə olduğunu vurğulayıb.
İsveçrə iyunun 15-16-da Luzern yaxınlığındakı Burgenstock kurortunda Ukrayna ilə bağlı konfrans keçirəcək. 80-ə yaxın ölkə iştirakını təsdiqləyib. Konfransda ABŞ prezidenti Co Bayden, eləcə də Çin prezidenti Si Cinpin və Braziliya prezidenti Luiz İnasio Lula da Silva iştirak etməyəcək.
