Moskva zooparkı tornadoya görə bağlandı

Moskva zooparkı cümə axşamı səhər gözlənilən pis hava şəraiti səbəbindən bağlanıb.

Bu barədə TASS-a zooparkın mətbuat xidməti məlumat verib.

"Hava şəraiti səbəbindən zooparkımız müvəqqəti olaraq ziyarətçilər üçün bağlanır. Qurumun fəaliyyəti ilə bağlı sonrakı qərarlar hava şəraitinə əsasən qəbul ediləcək", - deyə məlumatda bildirilir.

FHN xəbərdarlıq edir ki, 20 iyun saat 22:00-a qədər Moskvada leysan yağışı və küləyin sürətinin 18-23 m/s-ə qədər artacağı gözlənilir. Saat 12:00-dan 17:00-dək tornado ehtimalı var.