Almaniyanın Frankfurt şəhərində Rusiya, Ukrayna və Ermənistan vətəndaşları casusluqda şübhəli bilinərək saxlanılıb.
Modern.az BBC-yə istinadən xəbər verir ki, bu barədə Almaniya Baş Prokurorluğu məlumat yayıb.
Qurum hesab edir ki, onlar xarici kəşfiyyat xidməti üçün məlumat toplaya və Ukrayna vətəndaşını izləyə bilərlər. Prokurorluq məhbusların hansı ölkənin xüsusi xidmətinə işləmiş ola biləcəyini dəqiqləşdirməyib.
“Reuters” yazır ki, Ukrayna vətəndaşı Robert A., Ermənistan vətəndaşı Vardges İ. və Rusiya vətəndaşı Arman S. Frankfurtda izlədikləri şəxsin olmasını düşündükləri kafedə olublar.
