Opera müğənnisi Anna Netrebko ilə Azərbaycanın xalq artisti Yusif Eyvazov ayrılıb.
Bu barədə ifaçılar Avstriya Presse-Agenturun (APA) birgə bəyanatında bildiriblər.
“Birlikdə keçirdiyimiz on xoşbəxt ildən sonra ayrılmaq üçün çətin qərar verdik. Biz Tiaqoya (Anna Netrebkonun əvvəlki nikahdan olan oğlu) ümumi məhəbbətlə birləşən yaxın dost olaraq qalırıq”, - agentlik sənətçilərdən sitat gətirir.
Netrebko və Eyvazovun sözlərinə görə, ayrılıq onların birgə çıxışlarına təsir etməyəcək. Onlar qarşıdan gələn “La Scala” və “Arena di Verona” festivallarında çıxış edəcəklər”, - mesajda deyilir.
