Lüks mallar istehsalçısı “Louis Vuitton” (LVMH) şirkətinin rəhbəri olan fransız milyarder Bernar Arno rəqib “Richemont”da payı alıb. Bu barədə adı açıqlanmayan mənbələrə istinadən”Bloomberg” yazıb. Alınan payın ölçüsü və cənab Arnonun ödədiyi məbləğ açıqlanmayıb.
Mənbələrə görə, bu kiçik bir paydır və cənab Arno və ailəsinə məxsus ictimai şirkətlərin səhmləri portfelini tamamlayır. Bununla belə, bəzi analitiklər qeyd edirlər ki, LVMH gələcəkdə “Richemont”u ala bilər: bu, “Tiffany” və “Bulgari” brendlərini (LVMH-ə məxsus) “Cartier” və “Van Cleef & Arpels” (“Richemont”a məxsus) ilə birləşdirərək çox güclü zərgərlik istehsalçısı yaradacaq.
Bernar Arno – Avropanın ən varlı adamıdır, onun sərvəti “Forbes”ə görə 197 milyard dollardır. “Richemont”un səhmləri, cənab Arno tərəfindən onun səhmlərinin alınması ilə bağlı məlumatlar ortaya çıxandan sonra 4% bahalaşıb.
