6 ay müddətində xərçəngin aşkarlanmasına aparan əlamətlər » Medical Media

50 yaşdan kiçik 25 milyon xəstənin məlumatlarını əhatə edən son genişmiqyaslı tədqiqat onkoloq və proktoloq Yelena Smirnovanın bağırsaq xərçənginin erkən simptomları ilə bağlı müşahidələrini təsdiqləyib.

Medicalmedia.az “Echonedeli” portalına istinadən xəbər verir ki, mütəxəssis diaqnozdan əvvəl əsas simptomları sadalayıb:

- mədə ağrısı;
- bağırsaq hərəkətləri zamanı qeyri-adi qanaxma;
- nəcis pozğunluqları;
- iştahsızlıq;
- anemiya.

Tədqiqat, simptomların başlanğıcından diaqnozun qoyulmasına qədər orta müddətin dörd-altı ay olduğunu müəyyən edib.

Yelena Smirnova bu əlamətlərə onun praktikasında tez-tez rast gəlindiyini vurğulayıb. Ancaq bir çox xəstə, təəssüf ki, özünü müalicə etməklə, məsələn, laksatiflər alaraq bu xəbərdarlıq əlamətlərini görməməzlikdən gəlir. Bu, həkimə gec müraciətlərə səbəb olur.