"İran İslam Respublikası Ermənistan Respublikasının Fələstinin tanınması ilə bağlı mövqeyini alqışlayır və bunu cəsarətli və müsbət addım hesab edir".
BiG.AZ xəbər verir ki, bunu İranın Ermənistandakı fövqəladə və səlahiyyətli səfiri Mehdi Sobhani deyib.
Səfir qeyd edib ki, İran artıq bu məsələ ilə bağlı öz mövqeyini bildirib və Fələstinin tanınması prosesi ilə bağlı Tehranın prinsipial mövqeyini təsdiqləyib.
"Bilirsiniz ki, bizim prinsipial mövqeyimiz belədir: biz sionist rejimi tanımırıq. Bütövlüyümüzü vurğulayaraq, biz Ermənistan Respublikasının Fələstini tanımaq və onun xalqını dəstəkləmək üçün qəbul etdiyi mövqe və qərarı alqışlayırıq. Ermənistanın atdığı bu cəsarətli və müsbət addım onu göstərir ki, beynəlxalq ictimaiyyət Fələstin xalqının haqlarına həqiqətən dəyər verir və həmçinin sionist rejim tərəfindən fələstinli kişi, qadın və uşaqların hüquqlarının pozulmasına qarşıdır" ,- deyə o bildirib.
Səfir vurğulayıb ki, Fələstini və onun xalqının hüquqlarını dəstəkləyən ölkələr tarixin doğru tərəfindədir.
BiG.Az
