Kanadada keçirilən seçkilərdə bir səs belə ala bilməyən namizəd ölkə tarixinə düşüb.
Hafta.az-ın yazdığına görə, Ontario əyalətinin paytaxtı Torontoda iyunun 24-də keçirilən təkrar seçkilərə müstəqil namizəd kimi qatılan Feliks-Antuan Hamel sıfır səs toplayıb.
Kanadanın ictimai yayımçısı CBC-yə danışan 45 yaşlı musiqiçi: “Nəticəni görəndə dedim ki, mən həqiqətən birliyi təmin edən namizədəm. Hamı mənə səs verməməyə razılaşıb”.
CBC-nin seçki məlumat bazasına görə, yüzlərlə namizəd keçmişdə federal seçkilərdə heç bir səs ala bilməyib. Lakin bu hallarda namizədlər rəqibsiz iştirak etdikləri üçün yenə də mandat qazanıblar. Qalib namizədin iştirak etdiyi sonuncu əlavə seçki 1957-ci ildə Ontarioda keçirilib.
Tarix kitablarında iz qoymağı heç vaxt gözləmədiyini ifadə edən Hamel, "Mən Kanada tarixinə hər hansı bir şəkildə girəcəyi gözlənilən son insanlardan biriyəm" deyib.
Monrealdan olan 45 yaşlı musiqiçi ölkədə seçki sistemini tənqid edən ən uzun səsvermə komitəsi adlı təşkilatdakı dostunun təklifi ilə namizədliyini irəli sürdüyünü deyib.
Əlavə seçkilərin keçirildiyi Toronto-St. Paulda yaşamadığını bildirən Hamel, kampaniya üçün demək olar ki, heç bir səy göstərmədiyini açıqlayıb.
Kanadanın Mühafizəkarlar Partiyasından olan Don Stüart seçkilərdə qalib gəlib. Beləliklə, 1993-cü ildən Toronto-St. Paulun seçki dairəsi ilk dəfə olaraq mühafizəkar siyasətçiyə verilib.
Kanadada 45-ci Federal Seçkilərin gələn ilin oktyabrında keçirilməsi planlaşdırılır.
