Rusiyanın İkinci Qərb Dairə Hərbi Məhkəməsi ukraynalı jurnalist Dmitri Qordonu terrorizmə və müharibəyə çağırışlar, Rusiya ordusu və ekstremizm haqqında yalan xəbərlər yaydığına görə qiyabi olaraq 14 il müddətinə azadlıqdan məhrum edib.
"Unikal" xəbər verir ki, bu barədə məhkəmənin mətbuat xidməti məlumat yayıb.
Bildirilir ki, 2022-ci ilin martında Qordon özünün iki "YouTube" kanalında ABŞ prezidentini nüvə silahından istifadə edərək Rusiyaya qarşı müharibəyə başlamağa çağıran video yerləşdirib. Bundan əlavə, o, Vladimir Putin və Aleksandr Lukaşenkonun qətlinə çağırış edib.
