İfrat sağçıların seçkilərdəki qələbəsindən şoka düşən Fransa sağ-sol mübarizəsinə başlayıb. Prezident Makronun “Lazım gələrsə, ifrat sola səs verməliyik” deməsi sağ mərkəzçi hökumətdə böhran yaradıb.
Turkustan.az xəbər verir ki, Fransada keçirilən ümumi seçkilərin birinci turunda ifrat sağçı Milli Ralli partiyası qalib gəldikdən sonra hökumət ifrat sağçıların hakimiyyətə gəlməsinin qarşısını almaq strategiyasında fikir ayrılığına düşmüşdü.
Prezident Emmanuel Makronun dünən keçirdiyi kabinet iclasında böyük gərginlik yaşanması xəbəri mətbuatda öz əksini tapıb.
Birinci turun nəticələrinə görə, ifrat sağçı Milli Mitinq (MN) partiyası hər üç nəfərdən birinin səsini toplayaraq 33 faizlə rəqiblərini geridə qoyub. Kommunist, solçu və ekoloq partiyaların yaratdığı Yeni Xalq Cəbhəsi Alyansı 28 faizlə ikinci yerdə qərarlaşıb.
Makronun “Hamımız Respublika naminə” alyansı təxminən 20 faiz səslə üçüncü yerdə qərarlaşıb.
Fransa mətbuatının yazdığına görə, ölkəni sarsıdan nəticələrdən sonra kabineti toplayan Makron, Marin Le Penin başçılıq etdiyi ifrat sola, lazım gələrsə sağa qarşı səs verməyə çağırması nazirlər arasında böyük müzakirələrə səbəb olub. İyulun 7-də keçiriləcək ikinci tur üçün “Bir səs də ifrat sağçılara getməməlidir” deyən Fransa liderinin nazirlərdən qalib gəlmə şansı yüksək olan solçu namizədləri dəstəkləmələrini istəməsi bəzi nazirlərin etirazına səbəb olub.
Kabinetdə seçki taktikası ilə bağlı bölünmə üzə çıxsa da, mətbuata açıqlama verən mənbələr Makronun solun güclü olduğu yerlərdə sağ mərkəzçi namizədlərin yarışdan çəkilmələri lazım olduğunu açıqlamasının böhrana səbəb olduğunu bildirib.
Maliyyə naziri Bruno Le Maire, seçkilərdə ikinci olan Xalq Cəbhəsinin üzvü, İtaətsiz Fransa lideri Jan-Lük Mélenchon-un ifrat sol siyasətçi olduğunu və ən azı ifrat sağçılar qədər təhlükəli ola biləcəyini müdafiə etdi.
Keçmiş baş nazirlərdən Eduard Filipp də solçulara səs vermənin qəti əleyhinə olduğunu açıqlayıb.
Baş nazir Qabriel Attal Makronu dəstəkləyib və ifrat sağçıların parlamentdə mütləq çoxluğu əldə etməməsi üçün hər cür cəhd etməli olduqlarını bildirib.
Milli Birliyin hakimiyyətə gəlməsinin qarşısını almaq üçün sol mərkəz ittifaqı ölkədə müzakirələrə səbəb olsa da, bəzi namizədlər ifrat sağçılara qarşı qalib gəlmə şanslarını artırmaq üçün yarışdan çəkilmək qərarına gəliblər.
Eltac Zülfüqaroğlu/Turkustan.az
