Paytaxtın Nizami rayonu Dakar meydanı yaxınlığında baş vermiş qəza anbaan kameraya düşüb.
Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. 166 nömrəli müntəzəm marşrut xətti üzrə hərəkət edən avtobusla “Toyota Prado” markalı avtomobil toqquşub. Belə ki, döngədə sağa manevr edən avtobus sürücüsü park edilmiş maşına dəyir və heç nə olmamış kimi yoluna davam edir. Vurulan avtomobilin sahibi hadisə yerində olmayıb.
Qeyd edək ki, sosial şəbəkə istifadəçilərinin əksəriyyəti sürücünün yanlış yerdə park etdiyini və bu səbəbdən qəzanın baş verdiyini vurğulayıblar.
Nərmin
