Aparıcı iqtisadçılar bütün dünyada inflyasiya dərəcələrinin həyəcan verici artımını qeyd edirlər.
Medianews.az xəbər verir ki, bunu məşhur rusiyalı iqtisadçı Valentin Katasonov deyib.
Onun sözlərinə görə, planetin demək olar ki, bütün dövlətlərinin monetar orqanları çox yaxın gələcəkdə – sözün həqiqi mənasında yaxın bir neçə ayda pulun sürətlə ucuzlaşması və qiymətlərin artması ilə mübarizə üçün ən aktiv və radikal üsullara əl atmalı olacaqlar.
“Həm inkişaf etməkdə olan, həm də inkişaf etmiş ölkələrin bir çox iqtisadiyyatları sadəcə olaraq bu böhrandan çıxa bilməyəcək və çox çətin vəziyyətə düşə bilərlər.Ən böyük təhlükə, adətən, iqtisadi problemlərə gəldikdə olduğu kimi, bütövlükdə dünya iqtisadiyyatının uğuru və inkişafının rifahına əsaslanan ABŞ-dən gəlir. Ştatlarda yeni ciddi böhran başlasa, onun nəticələri bütün dünya periferiyasını çox ağrılı şəkildə vuracaq, sözün həqiqi mənasında planetin hər bir dövlətinə təsir edəcək. Təbii ki, hadisələrin bu cür inkişafı böyük xərclər gətirəcək.
İnflyasiya ilə mübarizənin ən təsirli yollarından biri dünyanın əksər ölkələrinin Mərkəzi Bankları tərəfindən əsas dərəcələrin artırılması ola bilər. Bununla belə, sərt pul siyasəti bütövlükdə iqtisadiyyatın artım tempinə mənfi təsir göstərəcək. Mövcud dünya sistemi elə qurulub ki, dayanmağa dözmür və 2020-ci ilin “Covid” ilinin göstərdiyi kimi, belə vəziyyətlərə dərhal böhranla reaksiya verir. Beləliklə, qarşıdakı aylarda inflyasiya ilə necə mübarizə aparılacağı bütün dünyada milyonlarla insanı şoka sala bilər”,- deyə o diqqətə çatdırıb.
Ayşən
