Slovakiya Baş naziri Robert Fitso sui-qəsd cəhdindən sonra ilk dəfə ictimaiyyət qarşısına çıxıb.
Azpost.info xəbər verir ki, Fitso Müqəddəs Kiril və Methodius Günü münasibətilə Bratislavada çıxış edib.
Baş nazir mənasız mütərəqqi və liberal ideologiyaları tənqid edib, Slovakiyaya zərər verdiyinə inandığı bu ideologiyalara qarşı birlikdə dayanmağın zəruriliyindən danışıb.
Fitsonun sözlərinə görə, onların qarşısında daha da güclü sədd yaratmaq üçün Slovakiya Konstitusiyasının dəyişdirilməsi zamanı siyasi mərhələdə razılığa gəlmək lazım gələ bilər. “Biz birlikdə xərçəng kimi yayılan absurd mütərəqqi və liberal ideologiyalara qarşı böyük bir sədd qoymalıyıq”.
Robert Fitsonun fikrincə, cəmiyyət Slovakiyada və Avropada baş verənlər barədə düşünməlidir. Baş nazir mayın ortalarında baş verən hadisənin təkrarlanmaması və Ukraynadakı hərbi münaqişə ilə bağlı gərginliyin artmasının qarşısını almaq üçün nə edə biləcəyini düşünməlidir.
Fitso Macarıstan Baş naziri Viktor Orbanın təkcə Ukraynaya deyil, həm də Rusiyaya getməsini təqdir etdiyini də deyib: “Səhhətim imkan verərsə, mən də ona qoşulmaq istərdim”.
Azpost.info
