Rusiyanın Tıva Respublikasında "Çağıtay" düşərgəsində zəhərlənərək xəstəxanaya yerləşdirilən uşaqların sayı 46-ya çatıb.
Qaziler.az bildirir ki, bunu iyulun 10-da respublikanın səhiyyə naziri Anatoli Yuqay öz Teleqram kanalında bildirib.
“Hazırda 46 uşaq və bir müəllim xəstəxanada müalicə alır”, - deyə o, hər kəsin, o cümlədən reanimasiyada olan qızın vəziyyətinin nəzərəçarpacaq dərəcədə yaxşılaşdığını qeyd edib.
Yuqay onu da bildirdi ki, həmin gün sanitar-epidemiya əleyhinə komissiyanın iclasında idarələrarası əməkdaşlıq çərçivəsində uşaq səhiyyə müəssisələrində bağırsaq infeksiyalarının qarşısının alınması üzrə tədbirlərin gücləndirilməsinə dair protokol qərarı qəbul edilib.
“Səhiyyə Nazirliyi uşaqların, o cümlədən yerli tibb təşkilatlarında müşahidə altında olanların vəziyyətini izləyir”, - deyə o əlavə edib.
QAZİLER.AZ
