Çinin Avropa İttifaqındakı missiyası Şimali Atlantika Alyansını Asiya-Sakit Okean regionunda sülhü pozmamağa və ayrı-ayrı böyük dövlətlər üçün hegemonluq alətinə çevrilməməyə çağırıb.
Missiyanın bəyanatında deyilir ki, Pekin NATO-nu “öz yerini bilməyə və Şimali Atlantika regionunun müdafiə təşkilatı kimi mövqeyinə ciddi şəkildə riayət etməyə” çağırır.
Bundan əlavə, Çin missiyası bloku Asiya-Sakit okean regionunda sülh və sabitliyi pozmamağa və “ayrı-ayrı böyük ölkələrin hegemonluğunun alətinə çevrilməməyə” çağırıb.
“Asiya-Sakit Okean regionu geosiyasi oyunlar meydanı deyil, dinc inkişaf ərazisidir”, – deyə RİA Novosti sitat gətirir.
Missiya həmçinin qeyd edib ki, NATO sammitinin bəyannaməsində Çinlə bağlı ifadələr yalan, təhrik və böhtanla doludur.
Daha əvvəl NATO-nun baş katibi Yens Stoltenberq bəyan etmişdi ki, alyans öz bəyannaməsində Pekinə “mümkün olan ən ciddi mesajı” göndərib.
Mənbə RİA Novosti