Olaylar.az xəbər verir ki, bu barədə "Responsible Statecraft" qəzetində məlumat dərc edilib.
Nəşrin vurğuladığı kimi, ABŞ dövlət katibinin müavini Kurt Kempbell Hindistan və Rusiya arasındakı münasibətlərin Vaşinqtonla Yeni Dehli arasında əməkdaşlığa mane olduğunu dəfələrlə bəyan edib. İlk növbədə, texnoloji sahədə. Modinin Rusiya Federasiyasına səfərindən sonra vəziyyət daha da kritikləşə bilər.
"Modinin Rusiyaya səfəri Vaşinqtona Hindistanın ABŞ-ın təsir dairəsindən kənarda qlobal imkanlara malik olduğuna dair siqnal ola bilər. Putin açıq şəkildə belə bir mesaja etiraz etməyəcək", - nəşr yazır.
Xatırladaq ki, Modi iyulun 8-də Rusiyaya səfər edib. O, Rusiya Prezidenti Vladimir Putinlə danışıqlar aparıb, çoxlu sayda mühüm məsələləri müzakirə edib. Hindistan Xarici İşlər Nazirliyinin daha sonra bəyan etdiyi kimi, Baş nazirin Moskvaya səfəri son dərəcə uğurlu olub.
