AZ

Aktyorlar məhkəməyə müraciət etdi

Rusiya Ordusu Teatrında kütləvi ixtisar baş tutub.

Kulis.az xəbər verir ki, teatrın 15 aktyoru işsiz qaldığı üçün məhkəməyə müraciət edib.

Teatrın rəhbərliyi isə, bu qərarı yeni rejissorun verdiyini deyib.

"O aktyorların müqaviləsi yenilənməyib. Səbəb isə sadədir: istənilən teatra yeni bədii rəhbər və ya baş rejissor gələndə, heyəti təzələyir. Teatrımıza yeni baş rejissor təyin olunmuş Aleksandr Aleksandroviç Lazarev də köhnə aktyorlardan 15-i ilə işləmək istəməyib. Əvəzində isə, truppaya 10 yeni aktyor qəbul edib. Bu, istənilən teatrda baş verən təbii prosesdir", - deyə, teatrın direktoru Milena Avimskaya bildirib.

İyirmi ilə yaxındır bu teatrda aktrisa işləyən Kseniya Taran digər həmkarları ilə birlikdə məhkəməyə müraciət edib.

"Biz işimizə qaytarılmaq tələbi ilə məhkəməyə müraciət etmişik, çünki bizi işdən qanunsuz şəkildə azad ediblər", - deyə, o, bildirib.

Seçilən
44
kulis.az

1Mənbələr