Rusiyada FTX, Daxili İşlər Nazirliyi və İstintaq Komitəsi Rusiya Federasiyası müdafiə nazirinin keçmiş müavini, ordu generalı Dmitri Bulqakovu saxlayıb.
Bu barədə iyulun 26-da FSB-nin mətbuat mərkəzi məlumat yayıb. Departament qeyd edib ki, general “korrupsiya ilə bağlı cinayət işi üzrə istintaq çərçivəsində” saxlanılıb.
O, Rusiya Federal Penitensiar Xidmətinin (Lefortovo) 2-ci istintaq təcridxanasına aparılıb. İstintaq Komitəsi aydınlaşdırıb ki, general barəsində artıq həbs-qətimkan tədbiri seçilib. Xatırladaq ki, Bulqakovun 69 yaşı var. 2008-ci ildən 24 sentyabr 2022-ci ilə qədər Rusiya Federasiyası Müdafiə nazirinin müavini olub.
Bu vəzifədə o, Rusiya Silahlı Qüvvələrinin maddi-texniki təminatı məsələlərinə cavabdeh idi. 2016-cı ildə Bulqakov Rusiya Qəhrəmanı adına layiq görülüb. Üç “Vətənə xidmətə görə” ordeni də var. RİA Novosti-nin məlumatına görə, Bulqakovun göründüyü iş rus qoşunlarını yüksək qiymətə keyfiyyətsiz ərzaqla təmin etmək sisteminin təşkilindən gedir.
Agentliyin mənbəsinin sözlərinə görə, sabiq nazir müavini Rusiya Müdafiə Nazirliyi ilə müqavilələr bağlayarkən maraqlarını lobbiləşdirdiyi kommersiya strukturlarından pul alıb. Söhbət xüsusilə “Qryazinski Qida Zavodu” ASC-dən gedir.
//Samir Qurbanov, Editor.az
