Bu gün akademik avarçəkənlərin Paris-2024 mübarizəsi start götürəcək.
İdman.biz xəbər verir ki, Azərbaycan idmançısı Diana Dımçenko da Olimpiadada ilk sınağına çıxacaq.
O, 2000 m məsafəyə fərdi yarışda çıxış edəcək. İdmançımız bu gün baş tutacaq təsnifat mərhələsində beşinci qrupda mübarizə aparacaq. Dımçenko 5 iştirakçı arasında ilk “üçlüy”ə düşməyə çalışacaq.
Qeyd edək ki, təsəlliverici mərhələ iyulun 28-də, 1/4 və 1/2 final 29-dan avqustun 1-dək keçiriləcək.
İdman.biz
