18 yaşadək basketbolçu qızlardan ibarət Azərbaycan yığması Avropa çempionatının C divizionunda son matçını keçirəcək.
İdman.biz xəbər verir ki, millimiz Kosovonun paytaxtı Priştinada keçirilən yarışın final oyununa çıxacaq.
Həlledici görüşə qədər keçirdiyi 4 matçda qalib gələn yığmamız meydan sahibləri ilə görüşəcək. Türkiyəli mütəxəssis Evren Alkayanın çalışdırdığı komanda titul qazanmaq uğrunda görüşə Bakı vaxtı ilə saat 21:30-da çıxacaq.
Qeyd edək ki, 3-cü yer uğrunda oyunda Albaniya və Kipr qarşılaşacaq.
Avropa çempionatı, C divizionu
Final
28 iyul
21:30. Kosovo - Azərbaycan
Tetori İdman Zalı
İdman.biz
