Venesuela müxalifəti Nikolas Maduronun ölkədə keçirilən prezident seçkilərindəki qələbəsini tanımır.
Editor.az xəbər verir ki, bunu müxalifət liderlərindən biri Korina Maçado deyib. Onun sözlərinə görə, onlar Edmundo Qonzalesi ölkənin seçilmiş prezidenti hesab edir.
Ölkənin Milli Seçki Şurasının (MSŞ) məlumatına görə, protokolların 80%-i işləndikdən sonra Venesuelanın hazırkı prezidenti Nikolas Maduro 51,2% səs toplayıb. Korina Maçado bildirib ki, müxalifət NIS-in elan etdiyi seçki nəticələrinə etiraz edəcək. O, iddia edir ki, Qonzales prezident seçkilərində 44,2% yox, 70% səs toplayıb. O, həmçinin bütün müşahidəçiləri səslərin hesablanması mərkəzlərində qalmağa çağırıb.
Argentina, Peru və Çili də Venesuelada keçirilən prezident seçkilərində Nikolas Maduronun qələbəsini tanımayıb. Argentina prezidenti Xavyer Miley Edmundo Qonzalesi qalib hesab etdiyini bildirib. ABŞ dövlət katibi Entoni Blinken bəyan edib ki, Vaşinqton elan edilən nəticənin Venesuela xalqının iradəsini əks etdirməməsindən narahatdır.
//Samir Qurbanov, Editor.az
