Digər illərdə olduğu kimi, 2024-2025 -ci tədris ili üçün də peşə təhsil müəssisələrində əsas hədəflərdən biri qadınların müraciət sayını artırmaqdan ibarətdir.
Moderator.az xəbər verir ki, bu sözləri Peşə Təhsili üzrə Dövlət Agentliyinin direktoru Ceyhun Kərəmov iyulun 29-da keçirilən birifinqdə deyib.
Direktor bildirib ki, ötən il qəbul olanların 30 %-i qadınlardan ibarət olubsa, bu ilki əsas hədəflərdən biri həmin faizi 40-qaldırmaqdır. Ceyhun Kərəmov onu da qeyd edib ki, qadınların marağını cəlb edən ixtisasları əlavə etməklə və plan yerlərini artırmaqla buna nail olunacaq.
