Bakı, 30 iyul, AZƏRTAC
Türkiyənin “Fənərbağça” komandası bu gün UEFA Çempionlar Liqasında II təsnifat mərhələsinin cavab görüşünə çıxacaq.
AZƏRTAC xəbər verir ki, İstanbul təmsilçisi səfərdə 4:3 hesabı ilə qalib gəldiyi İsveçrənin “Luqano” komandasını doğma meydanda qəbul edəcək. Qarşılaşma Bakı vaxtı ilə saat 21:00-da start götürəcək.
Bu, “Fənərbağça”nın yeni baş məşqçisi Joze Mourinyonun rəhbərliyi altında ikinci sınağı olacaq.
Qeyd edək ki, bu cütün qalibi III təsnifat mərhələsində Fransanın “Lill” kollektivi ilə qarşılaşacaq.
