Xəbər verdiyimiz kimi, Azərbaycan cüdoçusu Hidayət Heydərov Paris Yay Olimpiya Oyunlarının qalibi olub.
Sportinfo.az xəbər verir ki, finalda fransalı Joan-Benjamin Qabaya qalib gələn təmsilçimiz idmanın bu növündə 16 il əvvəlki uğurumuzu təkrarlayıb.
Məsələ burasındadır ki, Olimpiadada cüdoda sonuncu dəfə eyni çəki dərəcəsində Elnur Məmmədli qızıl medal qazanmışdı. Bu, 2008-ci ildə Pekin Yay Olimpiya Oyunlarına təsadüf etmişdi.
İndiyədək idmanın cüdo növündə Olimpiadada üç qızıl medal qazanmışıq.
İlk qızıl medalımız isə cüdoçu Nazim Hüseynovun adı ilə bağlıdır. O, 1992-ci ildə Barselona Olimpiadasında fərxi kürsünün ən yüksək pilləsinə qalxmışdı.
Maraqlı məqam ondan ibarətdir ki, hər üç qızıl medalın arasında 16 illik fərq var.
