“Fitch Ratings”, ABŞ Federal Ehtiyatlar Sisteminin (FED) son inflyasiya və əmək bazarı hesabatlarından sonra ilin ikinci yarısında iki faiz endirimini reallaşdıracağını ehtimal edir.
Fins.az xəbər verir ki, “Fitch Ratings” 2023-cü ildə ABŞ-da faiz artımının əmək bazarı və tələbə müəyyən təsir göstərməyə başladığını, ölkənin monetar siyasətinin qeyri-müəyyən olmaqda davam etməsini və geosiyasi riskin qalıcı olduğunu bildirib.
Agentliyin dərc etdiyi hesabata əsasən, ABŞ-da yavaşlama əlamətləri kredit sektorunun zəif artımında və istehlak xərclərinin geriləməsində aydın görünür.
"Bu vəziyyətin 24-cü maliyyə ilinin ikinci yarısında davam edəcəyi proqnoz edilir, ÜDM-in real artımı əhəmiyyətli dərəcədə yavaşlayacaq, baxmayaraq ki, bizim əsas proqnozlarımız açıq şəkildə tənəzzül zonasından xeyli yuxarıda qalır", - bəyanətdə deyilib.
Hesabatda həmçinin belə qeyd olunub:
"İnflyasiyanın azalmasının davam etməsi və qlobal pul siyasətində istiqamət dəyişikliyinin başlaması monetar sərtləşdirmənin davam etməsi nəticəsində yaranacaq böyük neqativ kredit riskinin ssenarisinin ehtimalını azaldıb. 2024-cü ildə FED-dən faiz endirimlərini gözləyirik. 2023-cü ilin sonu üçün gözləntilərimizi nəzərə alaraq, ABŞ-ın son inflyasiya və əmək bazarı məlumatları 2024-cü ilin ikinci yarısında iki faiz endiriminin olacağına dair fikirlərimizi dəstəkləyir."