Kreml Rusiyanın ABŞ-dakı prezident seçkilərinə təsir etmək planlarına dair bəyanatları absurd sayır.
Azpost.info xəbər verir ki, bu barədə Rusiya prezidentinin mətbuat katibi Dmitri Peskov bildirib.
Onun sözlərinə görə, Rusiya və onun prezidenti Vladimir Putin mövzusunun seçki kampaniyası zamanı həm demokratlar, həm də respublikaçılar tərəfindən sui-istifadə edilməsi çox olacaq.
Peskov hesab edir ki, bu, ikitərəfli münasibətlərə bərpaolunmaz zərər vurur.
“Reuters” daha əvvəl xəbər vermişdi ki, ABŞ Milli Kəşfiyyat İdarəsinin direktorunun fikrincə, Rusiya, Çin və İranın ABŞ seçicilərinə və qarşıdan gələn prezident seçkilərinin nəticələrinə təsir göstərmək üçün marketinq, kommunikasiya və digər şirkətlərdən istifadə edir.
Azpost.info
