![Çempionlar](https://azertag.az/files/2024/2/1200x630/17224104593481317850_1200x630.jpg)
Bakı, 31 iyul, AZƏRTAC
Bu gün UEFA Çempionlar Liqasında II təsnifat mərhələsinə yekun vurulacaq.
AZƏRTAC xəbər verir ki, “Qarabağ”ın turnirdəki potensial rəqibləri “Ludaqorets” (Bolqarıstan) və “Dinamo” (Minsk, Belarus) komandaları cavab oyununda üz-üzə gələcək. Görüş Bakı vaxtı ilə saat 22:45-də start götürəcək.
Komandalar arasında ilk matç “Ludaqorets”in 2:0 hesablı qələbəsi ilə yekunlaşıb.
Qeyd edək ki, Çempionlar Liqasında III təsnifat mərhələsinin ilk matçları avqustun 6-7-də, cavab qarşılaşmaları isə avqustun 13-də baş tutacaq.