“F1-Insider”in məlumatına görə, meksikalı pilot Serxio Peresi komandada saxlamağı “Red Bull”dan “Liberty Media” şirkəti xahiş edib. Formula 1-in sahibi olan holdinq oktyabrda keçiriləcək Meksika qran-prisinə görə 34 yaşlı sürücünün komandada qalmasını istəyib.
“Avstriya komandasının məsləhətçisi Helmut Marko, jurnalistlərin “Liberty Media” rəhbərliyinin Meksika qran-prisinə bilet satışına görə sürücünü mövsümün sonuna qədər saxlamağı xahiş etməsi ilə bağlı suala cavab verməkdən imtina edib”, – deyə nəşr bildirib.
Peresin “Red Bull” ilə müqaviləsində olan bəndlərə əsasən, nəticələrin zəif olması halında sözləşməyə xitam verilə bilər.
