"Liverpul"un sabiq baş məşqçisi Yurgen Klopp gələcək planları ilə bağlı danışıb.
QOL.az "Sky Sports"a istinadən xəbər verir ki, o deyib: “Məşqçi kimi işim başa çatıb. Bu, birgə qərar idi. Mən sülh və sakitlik axtarıram. Bunu hazırda 100 faiz əldə etmişəm və hazırkı durumumdan həzz alıram. Sadəcə kənara çəkilmək və işi geridə qoymaq vaxtıdır.
Mən yalnız padel tennis oynamaq və nəvələrimlə oturmaq üçün çox gəncəm. Yenidən məşqçi olacağam? Mən hazırda bunu istisna edərdim. Bir neçə aydan sonra işlərin necə getdiyini görəcəyik. Hazırda heç bir klubla danışıq aparmıram".
