Təhsil eksperti Elçin Əfəndi Demokrat.az-a açıqlamasında Nazirliyin bu addımını müsbət qiymətləndirib. Onun sözlərinə görə 4 mindən çox təhsilverən sertifikatlaşdırmadan keçmədiyi üçün əmək müqavilələrinə xitam verilib:
“Elm və Təhsil Nazirliyi həssas qrupa daxil olan, maddi imkanları zəif ailələri müəyyənləşdirərək müəllimlərin əlavə bacarıqlarına uyğun olaraq onların alternativ işlərlə təmin olunması üçün tədbirlər görür. Ola bilər ki, onlar təhsil müəssisəsi daxilində texniki işlərə və ya tədrislə əlaqəsi olmayan digər vəzifələrə cəlb edilsinlər. Bura təhsil müəssisələrindəki vakansiyalar, sosial pedaqoq, nizam-intizam prossesinin təşkili kimi işlər daxildir. Başlıca məqsəd odur ki, onlar tədris prosesindən kənarda olsunlar, eyni zamanda da maddiyyat sarıdan əziyyət çəkməsinlər. Təhsil müəssisələrində bəzi istiqamətlər üzrə həmin müəllimlər çalışa bilərlər. Bu, Nazirliyin humanist davranışıdır, gözəl təşəbbüsdür və təqdirəlayiqdir. Fikrimcə, Dövlət Məşğulluq Agentliyi ilə Nazirlik arasında anlaşma olmalıdır. Bu müəllimlərin işlə təmin olunması üçün Agentliyə müraciət etmək olar, onlar bacarıqlarına uyğun olaraq müxtəlif sahələr üzrə istiqamətləndirilə bilərlər”.
Törə Zeynallı
Demokrat.az
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
