Vivo şirkəti bu ilin sonuna yaxın vivo X200 smartfon seriyasını təqdim etməlidir. Bu seriyaya minimum iki model daxil olacaq. Vivo X200 və X200 Pro. İndi isə internetdə vivo X200 modeli barəsində yeni məlumatlar ortaya çıxıb. Məlumatları Digital Chat Station ləqəbli məşhur insayder təqdim edib. Beləliklə insayderin sözlərinə əsasən vivo X200 smartfonu 1.5K keyfiyyətli kompakt ölçülü yastı ekranı əldə edəcək. İnsayder qeyd edib ki, smartfon Sony-nin 50 MP-lik əsas arxa kamerasına sahib olacaq. 50 MP-lik əsas arxa kameranı 3 qat optik zoom-a sahib telekamera və 50 MP-lik ultra geniş bucaqlı kamera tamamlamalıdır. Batareya mövzusunda isə vivo X200-ün 5000 mAh enerji tutumlu batareyanı əldə edəcəyi gözlənilir. Çox güman ki, vivo-nun bu yeni smartfonu hələ təqdim edilməmiş MediaTek Dimensity 9400 prosessoru vasitəsilə çalışacaq. vivo X200 smartfon seriyasının noyabr ayında təqdim olunacağı gözlənilir.
İlin sonuna kimi təqdim ediləcək Vivo X200 smartonu barəsində yeni məlumatlar verilib
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
