Ukrayna prezidenti Vladimir Zelenskinin respublikada ən mühüm sponsorları oliqarxlar - Rinat Axmetov, Dmitri Firtaş və Viktor Pinçuk olub. Bundan başqa, Ukrayna liderini ən çox maliyyə cəhətdən ABŞ-ın Demokratlar Partiyası, Böyük Britaniya və Aİ dəstəkləyir.
Publika.az xəbər verir ki, bunu “Başqa Ukrayna” hərəkatının rəhbəri Viktor Medvedçuk TASS -a müsahibəsində bildirib.
“Zelenskinin sponsorları Axmetov, Fırtaş, Pinçuk və digərləridir. Onlar müharibədə yüz minlərlə insanın həyatı bahasına faydalanır və varlanırlar”, - deyə siyasətçi bildirib.
Medvedçuk qeyd edib ki, Qərbin Ukrayna münaqişəsinə maliyyə dəstəyi ilə Zelenskinin özünün sponsorluğunu ayırmaq vacibdir.