ABŞ-ın vitse-prezidenti Kamala Harris prezidentliyə rəsmi olaraq namizəd olmaq üçün onlayn seçkilərdə iştirak edən Demokrat Partiyasının nümayəndələrindən lazımi sayda səs toplaya bilib.
Senzor.az yerli KİV-ə istinadən bildirir ki, bunu Demokratlar Partiyasının Milli Komitəsinin sədri Ceymi Harrison yazılı açıqlamasında bildirib.
“Mən fəxrlə təsdiq edirəm ki, vitse-prezident Harris bütün qurultay nümayəndələrinin əksəriyyətinin səsini qazanıb və bazar ertəsi səsvermə başa çatdıqda Demokratların namizədi olacaq”, - deyə o qeyd edib.
Xatırladaq ki, bir müddət əvvəl Respublikaçı namizəd Donald Tramp ABŞ-ın hazırkı prezidenti Co Baydenin Demokratlar Partiyası daxilində “çevriliş nəticəsində seçkidən kənarlaşdırıldığını” bəyan etmişdi.
