Tuladan olan senator Dmitri Savelyev Federasiya Şurasının iclas zalından çıxanda sifarişli qətldə əli olmaqda şübhəli bilinərək saxlanılıb.
RBC müxbiri xəbər verir ki, o, səsvermə zamanı Rusiyanın baş prokuroru İqor Krasnovun tələbi ilə toxunulmazlığından məhrum edilib. SİA bu barədə rus saytlarına istinad edir.Rəsmi olaraq cinayət işinin təfərrüatları açıqlanmır.
“Baza” nəşri mənbələrə istinad etmədən iddia edir ki, siyasətçi iş ortağının qətlinə sifariş verməyə cəhd edib və bunun üçün Federal Təhlükəsizlik Xidmətininməxfi əməkdaşını işə götürüb.
Qətl səhnələşdirilib, bunun əvəzini Savelyev ödəyib.
“Kommersant” yazır ki, potensial cinayətkar xüsusi xidmətin əməkdaşı olmayıb, onunla əlaqə saxlayıb və onun nəzarəti altında hərəkət edib. Hadisələr 2023-cü ildə baş verib.
Qeyd edək ki, “Vahid Rusiya”nın 55 yaşlı üzvü Savelyev “Transneft”in keçmiş prezidentidir. O, 17 il Dövlət Dumasının deputatı olub.
Savelyev “Sağ Qüvvələr Birliyi” liberal partiyasının parlament fraksiyasının üzvü, “İnsan Haqları Partiyası”nın yaradıcısı olub. Bundan əlavə, o, "Vahid Rusiya"nın Duma fraksiyasının rəhbərinin birinci müavini olub və "Rodina" radikal sağ partiyası tərəfindən seçkilərə namizəd göstərilib.
“Kommersant” yazır ki, Savelyev Prezident Administrasiyası rəhbərinin müavini Sergey Kiriyenkoya yaxındır. Onlar karyeralarına başladıqları Nijni Novqorod vilayətində birlikdə çalışıblar.
Qəzetin məlumatına görə, cümə günü Basmannı məhkəməsi siyasətçinin həbsi ilə bağlı vəsatətə baxacaq. Savelyev bir sıra dövlət mükafatlarına layiq görülmüş və Sovet İttifaqının Əfqanıstana müdaxiləsində iştirak etmişdir.
O, “Aleksandr Nevski” və “Şərəf” ordeni, iki “İgidliyə görə” medalı, II dərəcəli “Vətənə xidmətə görə” medalı ilə təltif edilib.
Savelyev Rusiyanın Ukraynaya təcavüzünü dəstəklədiyinə görə ABŞ, Avropa İttifaqı və digər ölkələrin sanksiya siyahısına daxil edilib.
Əli Babayev
